مسجاااااات طويلة

من طرف **اسير القمر** الخميس سبتمبر 25, 2008 10:00 am

[هذي للأمير بدر بن عبدالمحسن...لكنها من القصائد غير المكتمله
وصارت متداوله كثير بالمسجات بس مع تغيير ببعض الكلمات
هذي القصيدة كما كتبها البدر

كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح .. إني غبي[

في خفوقي راسم لحبـك خرايـط
من غلاك ومن حلاك ومن جنونك
غير حبك نضربه في عرض حايط
لاتروح بعيـد وتخونـك ظنونـك
ولايجي مابينـي وبينـك حوايـط
لو أخون الكون ما افكّر أخونـك
ما لجرحي لنفتق منْك أنت خايـط
وأن بغيت الصدق يالبى طعونـك
صاطني في غيبتك مليون صايـط
جـف قلبـي يامعدّينـي مزونـك
كل ما سجّيت وهمومـي قلايـط
ضيّقن صدري عساهن مايجونـك
اترك هـروج المهبّـل والمهايـط
والله أنـي ماعشقـت ألا عيونـك
والجديل اللي خذا شكل الشرايـط
لا فهقت الليل الأسود عن متونـك
أنت لو ترسل عيونـك بالوسايـط
شف صناديق الرسايل يحترونـك

[لعبه...تسمى ..الموت..!!(ألم الفراق)
*****

ونلعب لعبة التابوت..!!
أكون بوسط تابوتي..
وتكون بوسط تابوتك..!
وترميني بحجار الموت..
وأنا أرميك بأحجاري..
ونشوف...
من يغلب الثاني..
ويغلق باب تابوته..!
ولو متنا بنفس الوقت..
لايزعل علينا الموت..
لو متنا قبل حلّه
كنا نلعب..,
ماحسبنا حساب وقته..
والزمن,,والناس,,
والأشياء,,
والصوت,,
ماحسبنا حساب هذا الكون كلّه..
كنا نلعب ..
لعبه .. تسمى ،،الموت..!!

*****/

"]هذي قصيده للشاعر هلال المطيري
سويت بحث ولقيتها بس مدري كامله والا لا ~اعتقد كامله ~

لك ثـلاث ايـام فـعيـونك عتــب
ريح اهدابك عسى عمرك طويل

يمكن اكـتب فيك شـي ماانكـتب
يمكن اوصل فيك حدود المستحيل

ليه مختار السكوت بلا سبب
لا كـلام ولا مـلام ولا دلـيـل

لــمتى حزنك يجامله الهدب
سولفه والا اتركه دمع يسيل

سولفه ماكل صمت من ذهب
كم عزيز راح من صمته ذليل

ياحبيبي خابرك صدرك رحب
مايضيق بدمعة الحزن العليل

كل هـم منك له ضـلع حـدب
مثل ماللحمل في كتفي مشيل

كـن فعل البـرد فـي عمـر الحـطب
مثل فعل العشق في الجسم النحيل

لاتعـذر الصمـت وتلـوم الصخـب
من يلوم الريح في عشق النخيل

لك ثـلاث ايـام فـعيونك عتـب
ليتك تسولف قبل دمعك يسيل

[على شمعة أمل وسط الألم طالت بي الجلسـه/مختارات شعريه]/
على شمعة أمل
وسط الألم
طالت بي الجلسـه
ولا بين من أخبارك
بصيص لحلمي
المفقـود
ضيوفي:
(وحدتي)
(جرحك)
(بقايا أعهودك الخرسه)
وأمان الله
في عهدك
تركنا!
يا زمـان أعهـود
تضيق انفاسي بصدري
واقاوم..
والألـم نفسـه
وأشوف العالم بعيني..
على وسع الفضاء..
((محـــــدود))
* * *

يابنت
جيتك من عنى
((الحب ضايق))
احمل
على كف الألم
((قلب منهار ))
جيتك
وهم دنياي
((غالط حقايق))
احلم
تكوني بغربتي أنت..
((لي الدار))
يابنت
خذيني ترى فيني
((الوقت ضايق))
وأن ضاق
بي صدرك ترى..
((مــت منهــــار))

* * *

يمكن أقول..
أن الوداع
بداية الرحلة
معك
ويمكن أقول..
أنه شراع
واقف بعيد
يودعك
محتار قلبي
في صراع
يتبعني.. والا يتبعك
دامك معي
بدنيا الضياع
يا تجمعه .. يا يجمعك

* * *

تكــسر حلمي الباقي..
وعتـــم
ليلــتي و بــــدري
يا وجه الليـــل.. سامحني
ضروري يزورني.. النسيان

أبرحل والمدى جرح
يمد بخافقي..
يجـــري
ويبني من معاناتي
بغيبة طلتك
جــــدران

قدرت أنســــاك.. صدقني..
((أكـــــــذب))..
إيه أنا أدري!
ترى أقسم برب البيت
((أحــــــــبك))
والغــــدر
((إنســــــان))

* * *
تعــــــال
الشوق في دنياي
يشرب من..
وله دنيــــاك
ومن طاريك.. يختال الحكي
ويهيـــم بهيامـــك
معي ســـولف.. وهات من
السواليــــف..
أولــــك و أتـــــلاك
أنا أسـولف معك
في غيبتك..
وشلون قدامـــك..؟!
حبيــــبي.. يا بعد ذولا
وبعد ذولا..
وبعد ذولاك!
تـــرى
أيــــامي و حيــــاتي
يا حيــــاتي
((كلـــها أيـــامــك))

* * *
اسألني
كيف ابقـوى فقـد غالـي
كيف أبتحمل
ألم شـوق الغيـاب
اسألني
عـن..
خفـوق اشتكالـي
من جروحك
يوم فيك الظن
خـــاب
اسألني
عن.. جنوني
وعن.. هبالـي
يوم غبت
وانفتـح للحـزن
بــــاب
اسألني
ولا تقصـر فـي سؤالـي
اسألني
ولا تنتظـر رد الجـــواب[/